Sankara! Siva!

This book was published in the year 2012 and was released on the occasion of Sankara Jayanthi.

1967- 68 ప్రాంతములలో పరమాచార్యుల వారు ఆంధ్రదేశమున విజయ యాత్ర చేశారు.

ఆ సందర్భమున ఒక సాధారణ కుటుంబీకుడైన ఒక భక్తుని యింట ౩ రోజులుండి భిక్ష చేసి అనుగ్రహించారు.

ఆ తరువాత వారి కుమార్తె వివాహ విషయికముగా తలెత్తిన ధర్మ మీమాంసను పరిష్కరించి వివాహానికి ఆశీస్సులు పలికారు.

ఆ గృహస్తుడు ఎవరోకాదు. మా మామగారే. తర్వాత అనేక పర్యాయములు కంచి వెళ్ళి ఆచార్య సన్నిధిలో గడప గలుగుట నా అదృష్టంగా భావిస్తున్నాను.

పరమాచార్యులనుగ్రహించిన అనుభూతిని నలుగురితో పంచుకో వాలన్న సంకల్పం కలిగింది.

ఆ స్ఫూర్తి తోనే ఆదిశంకర విరచిత కొన్ని ముఖ్య స్తోత్రాలను, పరమాచార్యులు, శంకరభగవత్పాదులు, కంచికామాక్షి, వివాహ వ్యవస్త గురించి వ్యాసాలను జోడించి చిన్న సంకలనం భక్తులకు అందించటం జరిగింది.